“Türk Dünyası Zirvə Ödülləri”nin ilk qala gecəsi İstanbulda keçirilib

Türk dünyasının tanınmış simalarını, nüfuzlu iş adamlarını, sənət nümayəndələrini və müxtəlif sahələrdə uğur qazanan şəxsləri bir araya gətirən "Türk Dünyası Zirvə Ödülləri” beynəlxalq layihəsinin ilk qala gecəsi İstanbulda təşkil olunub.

Layihənin əsas məqsədi türk dünyası ölkələrinin nümayəndələrini vahid platformada bir araya gətirmək, onların uğurlarını beynəlxalq səviyyədə tanıtmaq, mədəni və işgüzar əlaqələri gücləndirmək, eləcə də yeni əməkdaşlıqlar üçün imkanlar yaratmaqdır.

Tədbirdə türk dünyası ölkələrini təmsil edən qonaqların iştirakı layihənin beynəlxalq əhəmiyyətini bir daha ön plana çıxarıb. Müxtəlif ölkələrdən gələn tanınmış simalar, sahibkarlar, sənət və ictimaiyyət nümayəndələri mükafatlandırma mərasimində bir araya gələrək öz sahələrində əldə etdikləri nailiyyətlərlə diqqət çəkiblər.

Layihənin ideya müəllifi və təşkilatçısı, Caspian Events Group şirkətinin təsisçisi və direktoru Tural Ələkbərov bildirib ki, İstanbulda keçirilən ilk tədbir geniş coğrafiyanı əhatə edəcək beynəlxalq layihənin başlanğıcıdır.

Tural Ələkbərovun sözlərinə görə, "Türk Dünyası Zirvə Ödülləri” yalnız mükafatlandırma mərasimi deyil, türk dünyasının müxtəlif ölkələrindən olan uğurlu insanları bir araya gətirən, onların fəaliyyətini tanıdan və beynəlxalq əlaqələrin inkişafına töhfə verən davamlı platformadır.

O qeyd edib ki, layihənin növbəti mərhələsi Azərbaycanda həyata keçiriləcək. Daha sonra isə tədbirlərin Özbəkistan, Qırğızıstan və digər türkdilli ölkələrdə müntəzəm və sistemli şəkildə təşkili nəzərdə tutulur.

Layihənin mərhələli şəkildə müxtəlif ölkələrdə keçirilməsi türk dünyasının ortaq dəyərlərinin təbliğinə, ölkələrarası əməkdaşlığın genişlənməsinə və uğurlu şəxslərin beynəlxalq platformada tanıdılmasına xidmət edəcək.

Layihənin ideya müəllifi və təşkilatçısı Tural Ələkbərov beynəlxalq tədbirlər təşkilatçısı, aktyor və səyahət bloggeridir. 2017-ci ildə təsis etdiyi Caspian Events Group şirkətinin rəhbəri kimi beynəlxalq layihələrin və mükafatlandırma mərasimlərinin təşkilini həyata keçirir. Teatr, televiziya və serial layihələrində aktyor kimi fəaliyyət göstərən Tural Ələkbərov, eyni zamanda səyahət təcrübələrini izləyiciləri ilə bölüşür və türk dünyası ölkələri arasında mədəni əlaqələrin inkişafına töhfə verməyi hədəfləyir.

"Türk Dünyası Zirvə Ödülləri” — uğurun, əməkdaşlığın və ortaq dəyərlərin beynəlxalq platforması.

Caspian Events Group