30 May 2023
15:12
243

Zərdabda mini futbol üzrə rayon çempionatına yekun vuruldu

Ümümmilli lider Heydər Əliyevin 100 illik yubileyi münasibəti ilə Zərdab rayon Gənclər və İdman idarəsi tərəfindən idarə, müəssisə, təşkilat, icra nümayəndəlikləri və bələdiyyələr arasında keçirilən mini futbol üzrə rayon çempionatına yekun vuruldu.

İslahat.az ”Xəbəraz”-a istinadən xəbər verir ki, 18 komandanın mübarizə apardığı, 26 aprel 2023-cü il tarixdən start götürmüş çempionatın 26 may 2023-cü il tarixdə keçirilmiş final oyununda Şəhər Bələdiyyəsinin və Qaz idarəsinin komandaları üz-üzə gəldi.

Oyunun əsas vaxtında qalib müəyyən olunmadı (2 : 2), əlavə vaxtda Şəhər Bələdiyyəsinin komandası 1 top fərqi ilə üstün olaraq çempionatın qalibi oldu.

Çempionatda I və II yeri tutmuş komandalara, o cümlədən müxtəlif nominasilar üzrə fərqlənmiş oyunçulara və komandalara Zərdab rayon Gənclər və İdman idarəsi tərəfindən kubok və diplomlar təqdim olundu.

İslahat.az